REVALIA

REVALIA

urbs Livoniae, a Waldemaro Dano condita A. C. 1223. sub Suecis, ab Ann. 156. cum arce munita in colle, et portu, in ora Sinus Finnici, 35. milliar. German. a Narva in Occasum. Gaudet emporiô celebri, estque Hanseatica. Vide Chytr. Sax. part. 1. Huius cives, Mosci minis territi, urbem, una cum Hanriae, Virae et Esthoniae ditione, ob memoriam originis et Danorum antiqua in se merita Christiano III. Daniae Regi iam seni, obtulerunt. Sed aetatem causatus Princeps animi moderati, se excusavit, atque aliquot aureorum milibus et commeatu ac pulvere tormentariô donatos amice dimisit, A. C. 1558. Sic ad Suecos itum: quorum Rex Ericus, hâc illorum subiectione elatior, Polonicas in Livonia Danicasque ditiones lacessere coepit: navigantes ad Narvae emporium Revaliam iter flectere coegit, onerarias naves Lubecensium detinuit, unde bellum atrox A. C. 1563. exortum, quô post varias utrinque clades, eportu Revaliensi, ductu Petri Munckii, triginta Suecorum naves onerariae, abductae sunt, A. C. 1569. ipsaque urbs a Magno, quem livoniae Regem Moscus dixerat, obsessa est: donec pax, Caesare et Gallô Rege interecedntibus, Stetini est confecta, A. C. 1570. Oesiliaque et Dioecesis Revaliensis Friderico II. Daniae Regi addictae, Revalia vero et Wittenstenium Suecis mansit. Ioh. Cluverus Epitom. Histor. in Maximiliano II.